СҚО жаналықтары
Солтүстік Қазақстан облысы әкімдігінің Жолаушылар көлігі және автомобиль жолдары басқармасының ұйымдастыруымен, облысішілік бағыттарда қызмет көрсететін «PETROавтоBUS» ЖШС қызметкерлерінің қатысуымен Қазақстан Республикасы жаңа Конституциясы жобасына қатысты ақпараттық-түсіндіру кездесуі өтті, деп хабарлайды SKO24.kz.
Іс-шара барысында қатысушыларға ұсынылып отырған өзгерістер, олардың негізгі мақсаттары мен елдің одан әрі дамуына ықпалы жөнінде жан-жақты ақпарат ұсынылды. Мемлекеттік басқару жүйесін жетілдіру, заңдылық қағидаттарын нығайту және маңызды шешімдер қабылдауда азаматтардың рөлін арттыру мәселелеріне ерекше назар аударылды.
Басқарма өкілдері қатысушылардың сұрақтарына жауап беріп, алдағы рәсімдерді өткізу тәртібін түсіндірді, сондай-ақ қоғамдық-саяси үдерістерге азаматтардың белсенді қатысуының маңыздылығын атап өтті.
Кездесу ашық диалог форматында өтіп, қатысушыларға өз пікірлерін білдіруге және білікті түсіндірмелер алуға мүмкіндік берді.
